Flash

Vizita në Itali, Rama me zv.kryeministren e pandehur, Belinda Balluku

Lapsi.al 12 November 2025
Vizita në Itali, Rama me zv.kryeministren e pandehur, Belinda Balluku

Kryeministri Edi Rama, i shoqëruar nga dhjetë ministra të kabinetit të tij, do të udhëtojë drejt kryeqytetit italian, ku nesër pritet të zhvillohet mbledhja e parë e përbashkët mes qeverive të Shqipërisë dhe Italisë.

Sipas axhendës zyrtare, në orën 11:40 do të zhvillohet takimi mes kryeministrit Rama dhe homologes së tij italiane, Giorgia Meloni, ndërsa gjysmë ore më vonë, në 12:30, do të nisë mbledhja e përbashkët mes dy delegacioneve qeveritare. Pas takimeve dypalëshe, rreth orës 14:00 është parashikuar ceremonia e nënshkrimit të disa marrëveshjeve dhe memorandumeve bashkëpunimi në fusha strategjike si mbrojtja, siguria, energjia, migracioni, mbrojtja civile, shëndetësia, mjedisi, si edhe zhvillimi ekonomik dhe infrastrukturor.

Mediat italiane raportojnë se në fushën e mbrojtjes, Italia do të ofrojë mbështetje teknologjike dhe pajisje moderne, ndërsa një pjesë e infrastrukturës detare do të vendoset në territorin shqiptar, për qëllime ndërtimi dhe mirëmbajtjeje të anijeve.

Sa i përket çështjeve të migracionit, pritet krijimi i një grupi të përbashkët pune, që do të thellojë bashkëpunimin mes dy vendeve në luftën kundër emigracionit të parregullt dhe në forcimin e kapaciteteve të patrullimit detar të Shqipërisë — një temë e ndjeshme për të dy qeveritë, pas debatit mbi marrëveshjen për qendrat e migrantëve.

Në delegacionin shqiptar marrin pjesë:

Belinda Balluku, zëvendëskryeministre dhe ministre e Infrastrukturës dhe Energjisë;

Elisa Spiropali, ministre për Evropën dhe Punët e Jashtme;

Besfort Lamallari, ministër i Drejtësisë;

Albana Koçiu, ministre e Punëve të Brendshme;

Pirro Vengu, ministër i Mbrojtjes;

Evis Sala, ministre e Shëndetësisë dhe Mbrojtjes Sociale;

Delina Ibrahimaj, ministre e Ekonomisë dhe Inovacionit;

Blendi Gonxhja, ministër i Turizmit, Kulturës dhe Sportit;

Sofjan Jaupaj, ministër i Mjedisit;

dhe Adea Pirdeni, ministre e Shtetit për Administratën Publike dhe Antikorrupsionin.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

18°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI