Justin Bieber thuhet se nuk është aspak kundër tensioneve mes bashkëshortes së tij, Hailey Bieber, dhe ish-it të tij të famshëm, Selena Gomez.
Madje, sipas një burimi për Daily Mail, këngëtari 31-vjeçar i hitit “Baby” e shikon këtë konflikt si një shenjë dashurie.
“Justin mendon se përplasja tregon se Hailey e do — dhe kjo i pëlqen,” tha burimi, duke shtuar se këngëtari “është ‘ride or die’ për Hailey-n dhe do ta mbështesë çfarëdo që të ndodhë, qoftë për Selenën apo jo.”
Çifti thuhet se janë të gatshëm të “vazhdojnë të ushqejnë zjarrin,” ndërsa Gomez preferon të jetë “personi më i pjekur” në këtë situatë. Ajo ka lënë pas dramën me Hailey dhe Justin dhe është fokusuar në jetën e saj të re me bashkëshortin Benny Blanco.
Së fundmi, përplasja mes Hailey-t dhe Selena-s u ndez sërish pasi modelja 28-vjeçare "sulmoi" markat e tjera të kozmetikës, përfshirë edhe Rare Beauty të Selenës.
Në një intervistë për Wall Street Journal, themeluesja e Rhode Skin u pyet për konkurrencën në treg:
“Mendoj se ka hapësirë për të gjithë. Nuk ndjej konkurrencë me njerëzit që nuk më frymëzojnë,”tha Hailey.
Selena reagoi me një postim në Instagram Story:
“Lëreni vajzën rehat. Ajo mund të thotë çfarë të dojë. Nuk më prek aspak. Nuk ka të bëjë me inteligjencën, por me rëndësinë. Të jemi të sjellshëm. Të gjitha markat më frymëzojnë. Ka vend për të gjithë. Shpresoj të ndalojmë.”
Justin dhe Selena kanë pasur një lidhje të ndërlikuar që zgjati thuajse tetë vjet, përpara se të ndaheshin përfundimisht në vitin 2018 — vit në të cilin Justin u martua fshehurazi me Hailey-n.
Ndërkohë, Selena Gomez është e martuar me producentin Benny Blanco, me të cilin organizoi një dasmë luksoze në Kaliforni muajin e kaluar.
