Vetëm një ditë pasi Page Six konfirmoi ndarjen e Keith Urban dhe Nicole Kidman pas 19 vitesh martesë, mediat amerikane raportojnë se këngëtari i muzikës country mund të ketë kaluar tashmë në një lidhje të re.
Sipas TMZ, burime pranë aktores së njohur të serialit Big Little Lies pohojnë se "të gjitha shenjat tregojnë se Keith është me një grua tjetër".
Një prej burimeve thekson: “Le të themi që Nicole nuk e mohon këtë, por gjithsesi është e tronditur.”
Thashethemet kanë përfshirë gjithë qytetin Nashville, ku çifti jetonte bashkë prej vitesh. Nuk dihet ende nëse Urban ka nisur këtë marrëdhënie të re para apo pas ndarjes që ndodhi zyrtarisht në muajin qershor.
Një tjetër burim për Page Six shtoi se Nicole po përpiqet të mbajë familjen të bashkuar në këtë periudhë të vështirë, ndërsa Urban është aktualisht në turne muzikor dhe tashmë është zhvendosur në një banesë tjetër brenda qytetit.
Çifti ka dy vajza: Sunday Rose (17) dhe Faith Margaret (14).
Në qershor, fansat vunë re se Urban nuk postoi asgjë për përvjetorin e martesës së tyre në rrjetet sociale. Ndërkohë që Kidman bëri një dedikim në Instagram, Urban reagoi ftohtë, duke lënë thjesht një emoji me zemër të kuqe.
Gjithashtu, në një intervistë virtuale, Urban thuhet se u largua sapo u përmendën skenat intime që Kidman xhiroi me aktorin Zac Efron për filmin A Family Affair.
