Bad Bunny, do të jetë kryeartisti i “Apple Music Super Bowl LX Halftime Show” më 8 shkurt 2026 në Levi’s Stadium, Kaliforni.
Artisti e ndau lajmin me ndjekësit e tij të dielën përmes një videoje në Instagram, ku shfaqet ulur , ndërsa në sfond luan hiti i tij “Callaita”. Në mbishkrim shkroi:
“Super Bowl LX. Bay Area. Shkurt 2026. #AppleMusicHalftime”
Në një deklaratë për mediat, fituesi i Grammy-t u shpreh:
“Ajo që ndiej shkon përtej vetes sime. Është për ata që erdhën para meje dhe vrapuan që unë të mund të shënoj një touchdown… Ky moment është për popullin tim, për kulturën tonë dhe për historinë tonë.”
Ai shtoi në spanjisht: “Shko thuaji gjyshes tënde, që ne do të jemi HALFTIME SHOW i SUPER BOWL-it!”
Ky nuk është debutimi i parë i Bad Bunny në Super Bowl. Në vitin 2020, ai ishte i ftuar special gjatë performancës ikonike të Shakira-s dhe Jennifer Lopez në Miami, ku interpretoi “I Like It” dhe “Callaita”.
Jay-Z, përmes kompanisë së tij Roc Nation, luan rol kyç në përzgjedhjen e artistëve për Super Bowl. Ai deklaroi:
“Ajo që Benito ka bërë dhe vazhdon të bëjë për Puerto Ricon është frymëzuese. Është nder ta kemi në skenën më të madhe në botë.”
Jon Barker nga NFL shtoi:
“Bad Bunny është një nga artistët më me ndikim global – dhe shfaqjet e tij janë gjithmonë eksplozive, vizualisht kreative dhe kulturore.”
Përpara konfirmimit të Bad Bunny, fansat ishin të bindur se në skenë do ngjitej Taylor Swift, sidomos për shkak të lidhjes së saj me yllin e Kansas City Chiefs, Travis Kelce. Megjithatë, ajo thuhet se është distancuar nga paraqitjet publike për arsye sigurie.
Edhe Adele dhe Miley Cyrus ishin përfolur si opsione, ndërsa fansat e rock-ut shpresonin për Metallica, duke qenë se Super Bowl 2026 do mbahet në San Francisco Bay Area, pranë qytetit të tyre të lindjes.
