Kim Kardashian ka bërë një rrëfim tronditës në trailerin e sezonit të 7-të të reality show-t të saj “The Kardashians”, ku zbulon se jeta e saj ka qenë në rrezik.
“Mora një telefonatë nga hetuesit. Dikush jashtëzakonisht i afërt me mua kishte vendosur një pagesë për të më vrarë,” shprehet 44-vjeçarja mes lotësh, ndërsa shfaqet e përlotur në një zyrë duke lexuar informacione në laptop.
Identiteti i personit që dyshohet se ka tentuar të porosisë vrasjen e Kim nuk është zbuluar, por një deklaratë e mëhershme nga ish-bashkëshorti i saj Kanye West në Instagram, kishte trazuar opinionin:
“Kim më akuzoi dje se kisha paguar për ta vrarë.”
Në pamjet e publikuara nga Hulu, shihen makina policie që mbërrijnë në banesën e saj ndërsa ajo përsërit:
“Jam e tmerruar për jetën time.”
Në një intervistë më vonë gjatë episodit, Kim tregon me emocion se çështja është mbyllur:
“Jam e lumtur që mbaroi.”
Nuk është hera e parë që Kim përballet me rrezik serioz. Në vitin 2016, ajo u grabit me armë në një hotel në Paris, dhe vetëm këtë maj autorët u përballën me drejtësinë.
Në vitin 2024, TMZ raportoi se ajo kishte kërkuar një urdhër mbrojtjeje ndaj një ndjekësi, Melvin Jeffery Conley, i cili ishte përpjekur të hynte në shtëpinë e saj.
