Stefon Diggs, ka folur për herë të parë për shtatzëninë e reperes Cardi B, lajm i zbuluar së fundmi nga vetë ajo në emisionin CBS Mornings.
Gjatë një interviste para stërvitjes, Diggs, 31 vjeç, u pyet për këtë lajm, por ai ishte i kujdesshëm:
“Epo, për jetën time personale? Të kam thënë, nuk flasim shumë për jetën time personale,” tha ai. “Por e dëgjova atë (Cardi).
Megjithatë, Diggs u shpreh pak më shumë në rrjetet sociale, duke komentuar në postimin e Cardi-t për përgatitjet e turneut të saj "Little Miss Drama". Ai shkroi: “Jam krenar për ty që po qëndron e përqendruar .”
Në një koment tjetër, ai tregoi dëshirën për gjininë e bebit: “100% djalë. Deri tani po mendoj emra spanjollë.”
Reperja Cardi B zbuloi lajmin në intervistën e saj në CBS Mornings më 17 shtator, duke treguar se është shtatzënë me fëmijën e saj të katërt dhe të parë me Diggs.
“Jam në pritje të një fëmije me të dashurin tim, Stefon Diggs,” tha Cardi B gjatë intervistës, duke shtuar se ndihet e lumtur dhe e fortë duke punuar për projektet e saj, ndërkohë që po krijon një jetë të re.
Cardi B është nënë e tre fëmijëve: Kulture Kiari, 7 vjeç, Wave Set, 4 vjeç, dhe vajzës së vogël Blossom Belle me ish bashkëshortin e saj Offset. Ndërsa Diggs është baba i vajzës 8-vjeçare Nova dhe, sipas një padie, ka sjellë në jetë edhe një vajzë tjetër më herët këtë vit me modelen Aileen Lopera.
