Amanda Seyfried u përball me kritika pas deklaratës së saj se Charlie Kirk, “ishte i mbushur me urretje”.
Në një postim në Instagram, 39-vjeçarja shpjegoi se nuk synonte të “shtonte zjarrin”, por dëshironte të rikthente diskutimin në një vend më të arsyeshëm dhe të theksonte se është e shqetësuar për gjuhën mizogjene dhe raciste që ai përfaqësonte.
“Nuk duhet ta harrojmë nuancën e njerëzimit,” shkroi ajo, duke shtuar: “Mund të jem e zemëruar për mizogjininë dhe retorikën raciste, dhe gjithashtu të pranoj që vrasja e Charlie Kirk-ut ishte një akt i tmerrshëm dhe i papranueshëm.”
Kjo deklaratë erdhi pas reagimeve të forta të fansave, të cilët e kritikuan ashpër aktoren, duke e akuzuar se po inkurajon dhunën dhe po ofendon fenë dhe opinionet konservatore.
Seyfried gjithashtu shpërndau në Instagram Stories një mesazh që u interpretua si sugjerim se Kirk kishte nxitur vetë dhunën ndaj tij: “Nuk mund të ftosh dhunën në tryezë dhe të habitesh kur ajo të kafshon.”
