Një ngjarje e rëndë ka ndodhur pasditen e kësaj të premteje në Labinot - Fushë të Elbasanit, ku 2 vëllezër të mitur janë mbytur në lumin Shkumbin.
Policia sqaron se të miturit, 7 vjeç dhe 9 vjeç, kanë qenë duke ruajtur disa bagëti me një person të rritur dhe në një moment janë shkëputur për t’u larë në lumin Shkumbin, rryma e të cilit i ka marrë me vete.
Trupat e pajetë të 2 të miturve janë gjetur disa metra poshtë vendit ku dyshohet se u futën për t'u larë. Policia shkoi në vendin e ngjarjes duke marrë dëshmi dhe mbledhur të dhëna me qëllim zbardhjen e kësaj ngjarjeje tragjike.
"Në fshatin Labinot fushë, dyshohet se janë mbytur aksidentalisht në lumin Shkumbin dy fëmijë të moshës 7 dhe 9 vjeç (vëllezër). Trupat e pajetë po transportohen për ekspertizë mjeko-ligjore",- njofton policia. /LAPSI.al
