Rihanna është në pritje të ëmbël për herë të tretë dhe duket se tashmë ka nisur të mendojë për emrin e bebushit që do të vijë në jetë.
Në premierën e filmit të saj të ri “Smurfs”, këngëtarja foli për Entertainment Tonight dhe tregoi se ajo dhe partneri i saj A$AP Rocky kanë vendosur për shkronjën e parë të emrit të foshnjës.
“Gjithmonë do të jetë një emër që fillon me R. Është gjëja e vetme për të cilën unë dhe Rocky nuk zihemi kurrë,” – tha Rihanna me shaja.
Çifti janë tashmë prindër të dy djemve: RZA, 3 vjeç, dhe Riot, 23 muajsh. Një burim për revistën PEOPLE zbuloi së fundmi:
“Rihanna dhe Rocky janë jashtëzakonisht të lumtur që do të zgjerojnë edhe një herë familjen e tyre. Ata e kanë përqafuar këtë kapitull me gjithë zemër, dhe lidhja e tyre është forcuar shumë që kur janë bërë prindër.”
Sipas burimit, reperi 36-vjeçar është mjaft i përfshirë në çdo aspekt të prindërimit – nga ndërrimi i pelenave, deri te rutinat e gjumit dhe kujdesi për fëmijët.
“Ai e ndihmon Rihannën që të pushojë. Kujdeset për gjithçka në shtëpi, i përgatit banjë relaksuese, i masazhon këmbët dhe i sjell ushqime gjatë natës.”
Burimi shton se kjo shtatzëni është veçanërisht domethënëse për çiftin, pasi ata ndihen më të bashkuar se kurrë më parë.
“Rocky është tifozi më i madh i Rihannës. E bën gjithmonë të qeshë dhe e mban atmosferën të mbushur me dashuri.”
