Një ngjarje e rëndë është regjistruar në Tiranë, ku një 40-vjeçar është marrë me forcë në automjet dhe është dhunuar fizikisht nga një shtetas, për motive të dobëta.
Menjëherë pas njoftimit, shërbimet e Komisariatit të Policisë Nr. 3 organizuan veprime të shpejta operacionale, duke bërë të mundur identifikimin dhe arrestimin e autorit të dyshuar, shtetasit Luel Rabija (Pjetri), 34 vjeç, banues në Tiranë.
Sipas hetimeve paraprake, 34-vjeçari ka detyruar 40-vjeçarin të hipte në automjetin e tij dhe më pas e ka goditur me grushte. Si provë materiale është sekuestruar automjeti i përdorur në ngjarje.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.
