Mbrëmjen e së martës liderët e vendeve të NATO-s u mblodhën në Pallatin Mbretëror në Hagë në një darkë zyrtare përpara samitit të së mërkurës. Mediat ndërkombëtare shkruajnë se gjatë darkës liderët patën një bisedë të gjatë që u lejoi të diskutonin çështjet kryesore duke filluar me zhvillimet e fundit në Lindjen e Mesme.
Në pritjen në Pallatin “Huis ten Bosch” ishte edhe kryeministri i Shqipërisë Edi Rama. Shihet i ulur në tavolinën e tij në fotot më poshtë, por në tavolinë nuk duket të ketë emra të rëndësishëm të Aleancës.
Në darkë morën pjesë edhe Presidenti ukrainas Volodymyr Zelensky, përfaqësues të katër partnerëve Indo-Paqësorë dhe krerët e Bashkimit Evropian. ©LAPSI.al
