Në Turqi po rriten shqetësimet për një valë të madhe refugjatësh nga Irani, pas përshkallëzimit të tensioneve mes Izraelit dhe Iranit.
Edhe pse qeveria turke thotë se situata është nën kontroll dhe nuk ka lëvizje të pazakonta në kufirin me Iranin, dëshmitë nga terreni tregojnë rritje të kalimeve të refugjatëve.
Shumë iranianë shfrytëzojnë regjimin pa vizë për të qëndruar deri në 90 ditë në Turqi ose për të kaluar në Europë.
Autoritetet turke nuk kanë dhënë shifra zyrtare për numrin e ardhjeve, por rritja e fluksit mund të shkaktojë një krizë refugjatësh nëse tensionet në Lindjen e Mesme nuk qetësohen shpejt.
Ankara po forcon mbikëqyrjen e kufijve dhe ruan dialogun me Teheranin për të menaxhuar situatën.
