Erion Alibej ka treguar arsyen e vërtetë që sipas tij çoi në vrasjen e trefishtë në Bradashesh të Elbasanit, ku mbetën viktima vëllai i tij Endrit Alibej, xhaxhai Arben Dylgjeri dhe turku Erdal Erdanai. Sipas Alibejt shkak për vrasjen e porositur nga vëllezërit Çopja që qëndrojnë në Dubai është një ngarkesë prej 530 kg kokainë që po dërgohej në një port të Turqisë dhe që do ta fuqizonte së tepërmi familjen e tij, që kishte arritur deri tek Dritan Gjika, personazh i njohur në trafikun e kokainës nga Ekuadori. Por ngarkesa e kokainës nuk u mor kurrë, pasi Çopjat porositën skuadrën e Talo Çelës dhe kryen ekzekutimin duke ndërprerë në mes trafikun.
"Unë dhe Endriti kishim nisur një marrveshje biznesi. Me drogë normalisht, por nuk kemi qënë përzier kurrë me vrasje. Kemi pasur njeriun më të rëndësishëm, u lidhëm me Dritan Gjikën. Endriti dhe shtetasi turk që u vra mik i familjes tonë kishin nisur një ngarkesë prej 530 kg kokainë për në Turqi. Kishim investuar gjithçka aty.
Ekzekutimi i familjes time. Këta njerëz kishin përgjegjësinë e nxjerrjes nga porti i Mersinit. Ngarkesa u sekuestrua dhe nuk u arrit të nxirrej se m’u vra vëllai dhe turku miku ynë. Ngarkesa arriti rreth dy javë pas vrasjes. Kjo ka qenë për të na nxjerrë jashtë loje ketë interes e kanë pasur shumë. Më shkatërruan edhe nga ana ekonomike. Shkova deri për bukën e gojës. Por unë e nxirrja veten sikur kisha shumë lekë, por ndërkohë nuk kisha asgjë. Me dy shokë që kisha lidhja një punë në Angli kam punuar shumë me kokainë u përmenda në të gjithë Londrën. Më dhanë mundësi pune atje. Gjithcka që fitoja, i shkriva gjithcka. U merrja me sigurinë time dhe me planet. Nga shpija i bëja punët me telelfon. Ka shumë njerëz që me kanë mbet miliona euro borxh. Është shpifje se Copjat thonë që u bë gol nga Endriti për 50 kg. Ata bënë shumë lekë me këtë ngjarje" tregoi Alibej.
