Paris Jackson ka reaguar ndaj kritikave që ka marrë pasi do të performojë në një koncert më 25 qershor – data që shënon përvjetorin e 16-të të vdekjes së Michael Jackson.
Në një video të postuar në Instagram Stories më 13 qershor, Paris tha:
“Pra, njerëzit janë të mërzitur përsëri. Këtë herë sepse një nga datat e turneut tim me grupet Incubus dhe Manchester Orchestra bie më 25 qershor – një përvjetor shumë negativ për mua dhe familjen time.”
Ajo sqaroi se, si artiste mbështetëse dhe jo si titullare e koncertit, nuk ka mundësi të zgjedhë datën kur performon.
“Nuk jam unë ajo që vendos për datat kur performoj, sepse nuk jam emri kryesor i turneut,” tha Paris.
Artistja gjithashtu theksoi se po udhëton në mënyrë modeste: “Jam vetëm unë me kitarën time akustike dhe teknikun e zërit, i cili është edhe i fejuari im,” shtoi Jackson, duke iu referuar aktorit Justin Long. “Po udhëtojmë me një furgon të zakonshëm.”
Ajo tregoi se kishte aplikuar vetë për të qenë pjesë e turneut dhe nuk kishte ndërmend të tërhiqej për shkak të datës. “T’u them atyre, ‘Më falni, nuk mund të performojmë atë ditë?’
Turneu “Morning View + The Hits” i grupit Incubus, që përfshin edhe Paris Jackson dhe Manchester Orchestra, u njoftua në mars dhe do të zhvillohet në SHBA dhe Mbretërinë e Bashkuar.
