Yolanda Hadid dhe partneri i saj prej shumë vitesh, Joseph Jingoli, thuhet se i kanë dhënë fund fejesës së tyre në janar.
“Sërish mbeten miq dhe kanë vetëm kujtime të bukura nga koha e kaluar bashkë,” tha një burim për People të enjten.
Yolanda Hadid, 61 vjeç, dhe drejtori ekzekutiv i ndërtimit Joseph Jingoli, 66 vjeç, u takuan në vitin 2017 pasi ajo u zhvendos në Pennsylvania dhe bleu një fermë për të jetuar më qetësisht pas divorcit nga David Foster.
Në gusht 2024 u zbulua se çifti ishin fejuar dy vite më herët gjatë një udhëtimi në Hollandë.
Në një intervistë të mëparshme, Hadid tregoi se pas ndarjes nga Foster dhe përballjes me sëmundjen Lyme, ajo donte të shërohej dhe të gjente forcën e saj si një grua e pavarur. Ajo theksoi se nuk kishte ndërmend të njihte dikë në atë kohë, por ndjenja për Jingoli erdhi natyrshëm.
Në vitin 2021, ajo publikoi një dedikim të ndjerë në përvjetorin e lidhjes së tyre:
“Gjithë jetën kam lutur për dikë si ti!! Faleminderit që je një dritë në jetën time, qetësia në stuhinë time dhe njeriu më i ndershëm që njoh… Gëzuar 2 vjetorin Joey Jingoli, të dua dhe të vlerësoj.”
Para marrëdhënies me Joseph, Yolanda ishte e martuar me Mohamed Hadid (1994–2000) dhe David Foster (2011–2017). Ajo dhe Mohamed kanë tre fëmijë së bashku: supermodelet Gigi dhe Bella Hadid, dhe djalin Anwar.
