Një alarm u dha sot në Uashington kur, pasi një kamion komercial u përmbys, afërsisht 250 milionë bletë "shpëtuan". Kamioni që mbante më shumë se 31,000 kilogramë koshere bletësh u përmbys në kufirin kanadez pranë Linden.
Sipas raporteve fillestare, shoferi humbi kontrollin e automjetit në një kthesë të mprehtë, duke bërë që rimorkioja të përfundonte në një kanal, tha zëdhënësja e menaxhimit të emergjencave të qarkut, Amy Cloud, por shoferi nuk u lëndua.
Kosheret u zhvendosën nga kamioni, me bletarët që nxituan në vendngjarje për të ndihmuar në restaurimin dhe kthimin e bletëve në "shtëpinë" e tyre. Plani është që bletët të mund të kthehen në koshere dhe të gjejnë mbretëreshën e tyre brenda dy ditëve të ardhshme dhe të shpëtojnë sa më shumë bletë të jetë e mundur.
"Më shumë se 24 bletarë u shfaqën për të ndihmuar në sigurimin që shpëtimi i miliona bletëve pjalmuese të ishte sa më i suksesshëm i mundur", thuhej në postimin e zyrës së sherifit.
Vlen të përmendet se presidenti i Shoqatës së Bletarëve të Shtetit të Uashingtonit, Alan Woods, theksoi se shteti duhet të ketë një "përgjigje emergjente të bletëve" të standardizuar për aksidentet me automjete të bletëve. Kujtohet se, në vitin 2015, kur 14 milionë bletë ikën nga një kamion në veri të Seattle-it, ato pickuan shumë njerëz.
https://youtu.be/0Ph6gX83kqQ
