Amber Heard njoftoi nëpërmjet Instagramit të dielën se ka mirëpritur binjakë — një vajzë me emrin Agnes dhe një djalë me emrin Ocean — duke ndarë një foto të këmbëve të vogëlushëve.
“ Ditën e Nënës 2025 nuk do ta harroj kurrë,” shkroi ajo në përshkrimin e fotos. “Këtë vit jam e lumtur përtej fjalëve që më në fund kam ndërtuar familjen për të cilën kam ëndërruar prej vitesh. Sot ndaj zyrtarisht lajmin se kam mirëpritur binjakë në ‘gang’-un tim Heard.”
Heard, 39 vjeçe, shtoi: “Vajza ime Agnes dhe djali im Ocean më kanë mbushur zemrën.”
“Kur solla në jetë vajzën time të parë, Oonagh, katër vite më parë, bota ime ndryshoi përgjithmonë. Mendova se nuk mund të ndihesha më e lumtur. Epo, tani po shpërthej nga gëzimi trefish!”
Ajo shpjegoi se të bërit nënë, me vendimin e saj, pavarësisht sfidave të fertilitetit, ka qenë përvoja më përulëse në jetën e saj dhe u shpreh mirënjohëse që kishte mundësinë ta bënte këtë me përgjegjësi dhe vetëdije.
Amber nuk ka ndarë detaje për atësinë e fëmijëve dhe më parë është shprehur se është “mamaja dhe babai” për vajzën e saj Oonagh, të lindur në prill 2021 përmes një nënë surrogate.
