Një sasi lënde plasësë ka shpërthyer mëngjesin e kësaj të enjteje në një makinë në pronësi të një mjekes Matilda Kaja në Tiranë. Ngjarja ndodhi në rrugën Pjetër Budi në parkimin e një spitali privat, teksa lënda plasëse ishte vënë në gomën e parë të mjetit.
Fatmirësisht ka pasur vetëm dëme të vogla materiale ndërkohë që motivi është ende i paqartë për policinë. Blutë thonë se po hetojnë për identifikimin e autorëve dhe sqarimin e ngjarjes.
Një shpërthim me lëndë plasëse është regjistruar orët e para të mëngjesit të sotëm në Tiranë. Ngjarja ka ndodhur rreth orës 03:55, në rrugën “Pjetër Budi” në afërsi të Qytetit Studenti.
Autoritetet policore raportojnë se në parkingun në afërsi të një spitali privau, është vendosur një sasi e vogël e dyshuar lëndë plasëse në gomën e parë të automjetit në pronësi të shtetases Matilda Kaja me profesion mjeke. Si pasojë e shpërthimit ka patur vetëm dëme materiale.
Kaja nuk rezulton që të ketë precedentë penalë dhe ka deklaruar se nuk ka konflikte me ndonjë person. Janë sekuestruar pamjet e kamerave të sigurisë, për të bërë të mundur identifikimin e autorit. Gjithashtu nga pamjet mund të shikohet nëse lënda plasëse është vënë teksa makina ka qenë e parkuar apo në ndonjë vend tjetër dhe mekanizmi i shpërthimi është aktivizuar aty.
Grupi hetimor është duke hetuar disa pista midis tyre dhe të ndonjë problemi të mjekes që lidhet me profesionin e saj.
Në lajmërimin për mediat policia thotë se po punon për identifikimin dhe kapjen e autorëve por dhe sqarimit të motiveve të ngjarjes.
