Kreu i Partisë Demokratike Sali Berisha ka komentuar për herë të parë çështjen e kontratës së lobimit në SHBA. Gjatë fjalës së tij në një takim me qytetarë të Kuçovës, Berisha u shpreh se PD është partia më e fortë në këto zgjedhje. Ai theksoi se fushata e PD është më e suksesshme pasi drejtohet nga kryestrategu i fushatës së Donald Trump, Chris LaCivita.
"Përsëri ne jemi më të fortë së kurrë, sepse fushatën tonë, e projektoi, e drejton, kryestrategu i fushatës më të suksesshme elektorale në historinë e njerëzimit, rikthimit të presidentit Donald Trump, Chris LaCivita. I ra kokës me grushta atë ditë që doli Chris LaCivita në konferencë shtypi" - tha Berisha.
Duke komentuar polemikat për kontratën e lobimit Berisha tha se Rama është tmerruar sepse mësoi se Partia Demokratike ka marrë për avokat, atë që ka Presidenti Donald Trump.
LEXO EDHE: Kontrata 6 milionëshe/ Sa afër Trump ka mbërritur PD-ja?
LEXO EDHE: Andi Bushati: Nuk është puna nga vijnë paratë, po ç’efekt kanë në Uashington
LEXO EDHE: Reagon Rama: Lulin e bënë leckë, po 6 milionë euro për damkën e Berishës ku u gjetën?
"Këto dy ditë është i tmerruar edhe më shumë, sepse mësoi se Partia Demokratike ka marrë për avokat të kauzave tuaja të drejta, për avokat të kauzës së drejtë të çdo shqiptari, të votës së lirë shqiptarëve, avokatin e presidentit Donald Trump.
Imagjinoni tani miq. Në një anë opozita me Chris LaCivita, në anën tjetër ai me Vullnet Sinën, një hajdut, një deputet që duhet të dorëzonte mandatin dhe që infektoi Shqipërinë me mallra të skaduara.
Imagjinoni pak, opozita Partia Demokratike, ju të gjithë me avokat, një vigan, avokatin e presidentit Donald Trump, kurse ai me bandat, me Suel Çelën, me Bajrat, me Hajrat, dhe me të tjerë. I them unë këtu para jush, janë tmerruar se në mënyrë absolute do të shpallen grupe terroriste me datën 12 maj, dhe Edi Rama bashkëpunëtor kryesor i tyre" - tha Berisha. /LAPSI.al
