Një eksperte e leximit të lëvizjeve të buzëve ka zbuluar se çfarë i thanë Volodymyr Zelensky dhe Donald Trump njëri-tjetrit në takimin përpara funeralit të Papa Franceskut, në atë që ishte takimi i tyre i parë që nga përplasja në Zyrën Ovale.
Udhëheqësi i SHBA dhe ai i Ukrainës folën për rreth 15 minuta brenda Bazilikës së Shën Pjetrit në Qytetin e Vatikanit, në një takim të cilin Zelensky e përshkroi si me potencial për të qenë “historik”. Shtëpia e Bardhë gjithashtu e përshëndeti takimin si “shumë produktiv”.
Megjithatë shumë pak u zbulua nga bisedat që Trump, Zelensky, Macron dhe Starmer bënë atë ditë. Edhe pse ekziston vetëm një videoklip i shkurtër i takimit, lexuesja mjeko-ligjore e buzëve Nicola Hickling ka zbuluar se Zelensky i tha Trump: “Do të doja që ta bëje këtë, por jo në këtë mënyrë”.
Trump i është përgjigjur: “Është një strategji shumë interesante, ke siguri”. Hickling sugjeron se takimi mes Trump dhe Macron ishte “i ftohtë” kur presidenti francez mbërriti dhe kur po vendoseshin dy karrige për presidentët e SHBA-së dhe Ukrainës. Macron u pa duke u përqafuar ngrohtësisht me Zelensky përpara se Trump ta tërheqë presidentin francez drejt vetes.
Sipas Hickling, Trump i tha Macron: “Ngadalë, më lejo të sjell...”. Më pas pamja ndërpritet. Trump më pas duket se e paralajmëron presidentin francez: “Nuk ke të drejtë këtu. Dua të më bësh një nder, nuk duhet të jesh këtu.”
Hickling vë në dukje se si Zelensky përkul kokën në shenjë dakordësie kur Trump ia thotë këtë Macronit. Kjo ishte ajo ndodhi mes takimit të parë sy më sy të Trump dhe Zelensky. ©LAPSI.al
