Drejtuesi politik i Partisë Demokratike për qarkun e Tiranës Belind Këlliçi thotë se opozita nuk ka synim të këtyre zgjedhjeve të bëjë Sali Berishën kryeministër. Gjatë një debati në emisionin “Opinion” ai tha se Berisha nuk ka hyrë në këtë garë për ambicie apo karrierë personale, por për të larguar modelin qeverisës të Ramës.
“Berisha nuk është në garë..., e po ta them dhe unë, nuk jemi në garë që të bëhet Berisha kryeministër. Ka kryer Berisha “legacy” të vet, President, kryeministër, kryetar opozite, gjithçka… Nuk jemi në garë më 11 Maj që të bëhet Berisha kryeministër.
E vendosin vetë demokratët, e ka thënë Berisha. Berisha ka një mision dhe rrethanat historike, rrethanat politike, e detyroi Berishen të rikthehej, të merrte të bashkonte PD, për të larguar këtë model qeverisje.
Berisha nuk është këtu për karrierë personale, nuk është këtu për ego, nuk është këtu për ambicie. Të gjitha gjërat në historinë e këtij vendi, Berisha i ka bërë" - tha Këlliçi. I pyetur nëse ky ishte një qëndrim personal ai tha se po fliste si drejtues politik i PD për qarkun e Tiranës. ©LAPSI.al
