Fushata elektorale për zgjedhjet ka nisur zyrtarisht, dhe Partia Socialiste është gati për nisjen e madhe nesër nga Sheshi “Skënderbej”. Ashtu siç ndodh zakonisht, ajo nuk ka sjellë vetëm flamuj, pankarta dhe muzikë në sfond, por edhe një slogan.
“Shqipëria 2030 në BE, vetëm me Edin dhe PS”
Një slogan që më shumë se fushatë, tingëllon si formular aplikimi i personalizuar në Bruksel.
Mesazhi është i qartë. Integrimi europian nuk është një proces institucional, apo një rrugë me standarde. Është një ekskluzivitet, një 'patentë integrimi' që zotërohet nga një njeri i vetëm.
Sigurisht, në këtë qasje ka edhe thjeshtësi komunikimi. Më mirë të shpjegosh se gjithçka varet nga një person, sesa të humbësh vëmendjen në diskutime për drejtësinë, median, konkurrencën apo shtetin e së drejtës.
©Lapsi.al
