Një fëmijë i dytë ka vdekur nga një virus shumë ngjitës i fruthit pasi një shpërthim në Teksasin perëndimor të SHBA vazhdon të përhapet. Fëmija në moshë shkollore nuk ishte i vaksinuar, nuk kishte kushte themelore shëndetësore dhe ishte shtuar në spital për shkak të komplikimeve nga sëmundja. Sekretari Amerikan i Shëndetësisë Robert F Kennedy Jr, i cili është përballur me reagime të ashpra për trajtimin situatës, thuhet se do të shkojë në Teksas këtë javë.
Teksasi ka raportuar mbi 480 raste të fruthit këtë vit, 60 prej të cilave u identifikuan vetëm javën e fundit. Fëmija ka të ngjarë të jetë personi i tretë që vdes nga fruthi pasi shpërthimi është shtrirë në shtetet fqinje. "Fruthi është një sëmundje shumë ngjitëse që mund të çojë në komplikime serioze, veçanërisht për ata që janë të pavaksinuar" – tha një nga zyrtarët.
Fëmija - një vajzë 8-vjeçare - vdiq të enjten herët në mëngjes sipas Neë York Times, që ishte e para që raportoi pas marrjes së të dhënave spitalore.
Në shkurt, një vajzë 6-vjeçare në komunitetin lokal të Menonitit, e cila nuk ishte vaksinuar kundër virusit, ishte fëmija i parë që vdiq nga fruthi në SHBA në një dekadë. Në mars, një burrë i pavaksinuar vdiq në Neë Mexico pasi u infektua me virusin, megjithëse shkaku i vdekjes së tij është ende nën hetim.
SHBA ka aportuar më shumë se 600 raste të fruthit këtë vit, shumë të lidhura me shpërthimin që filloi në Teksasin perëndimor. Rastet në Neë Mexico, Oklahoma dhe Kansas ka të ngjarë të lidhen me vatrën origjinale, thonë ekspertët e shëndetit publik. Pothuajse të gjitha rastet janë te personat e pavaksinuar.
Virusi – i cili mund të shkaktojë ethe, skuqje të kuqe, kollë dhe simptoma të tjera shoqërohet me një mori komplikimesh, duke përfshirë pneumoninë, ënjtjen e trurit dhe vdekjen. SHBA shpalli fruthin të eliminuar nga vendi në vitin 2000, por infektimet janë rritur çdo vit për shkak edhe të kundërshtive ndaj vaksinës.
Dy vaksina të imunizimit - të provuara të sigurta - janë 97% efektive në parandalimin e virusit dhe reduktojnë infeksionet e rënda. Përhapja filloi në një komunitet fetar që refuzon me forcë vaksinat. Zyrtarët lokalë të shëndetit në Teksasin perëndimor i thanë BBC-së se kanë parë përparim të pakët në përpjekjet për të përmirësuar normat e vaksinimit.
Kenedi ka heshtur ndaj situatës. Në fillim ai e përshkroi situatën si "jo të pazakontë". Ai ndryshoi qëndrimin pas vdekjes së fëmijës së parë, por nuk rekomandoi që prindërit të vaksinojnë fëmijët e tyre. Skeptiku i vaksinave ka promovuar vitaminën A si një trajtim për fruthin, për të cilin mjekët thonë se duhet të sigurohet vetëm në raste të caktuara nën drejtimin e një mjeku. ©LAPSI.al
