Një aksident i rëndë ka ndodhur mbrëmjen e sotme në aksin Berat-Duhanas, në vendin e quajtur “Ura e Beratit”. Bëhet e ditur se mjeti tip BMW, duke ardhur nga fshati Duhanas në drejtim të qytetit të Beratit, ka dalë nga rruga dhe ka përfunduar në kanal.
Ndërkohë vendngjarje kanë shkuar forca policie dhe zjarrfikëse.
Siç raportohet kanë qenë efektivët zjarrfikës ata që kanë bërë të mundur nxjerrjen nga mjeti të drejtuesit te automjetit, Adnand Çala. Fatmirësisht drejtuesi i mjetit ka dalë pa lëndime nga makina.
