Colleen Hoover ka shprehur mbështetje për Blake Lively në lidhje me çështjen ligjore që aktorja ka ngritur kundër Justin Baldoni.
Shkrimtarja e romanit It Ends With Us e ka përshkruar Lively-n si një person të sinqertë, të ëmbël dhe mbështetës, duke theksuar vlerat e saj si njeri që nga momenti i njohjes së parë.
It Ends With Us”, një dramë e dhunës në familje e bazuar në librin bestseller të Colleen Hoover, u shfaq në kinema verën e kaluar.
Në atë kohë, u përhapën thashethemet për një grindje mes Lively dhe Baldonit, të cilët refuzuan të shfaqeshin së bashku për të promovuar filmin.
Blake gjithashtu pësoi një breshëri publiciteti të keq pas publikimit të filmit,e quajtur një “vajzë e keqe” pasi një gazetare pretendoi se një intervistë e pakëndshme me aktoren e bëri atë të linte punën e saj.
Avokati i Baldonit, Bryan Freedman, ka kritikuar padinë e re të saj, duke thënë për The Post: “Është e turpshme që zonja Lively dhe përfaqësuesit e saj të bëjnë akuza kaq serioze dhe kategorikisht të rreme kundër z. Baldoni, Wayfarer Studios dhe përfaqësuesve. Një tjetër përpjekje e dëshpëruar për të ‘rregulluar’ reputacionin e saj negativ.” Ai shtoi se ajo ishte një “makth” në xhirime.
