Regjisori Justin Baldoni është përjashtuar nga agjencia e njohur e talenteve WME pas akuzave për ngacmim seksual të ngritura nga aktorja Blake Lively.
Padia, e cila pretendon një mjedis pune toksik dhe sjellje të papërshtatshme nga Baldoni, është bërë publike nga TMZ.
Sipas akuzave, Baldoni ka ndarë imazhe të papërshtatshme, ka folur hapur për varësinë e tij ndaj pornografisë dhe ka bërë komente të pahijshme për peshën dhe jetën personale të Lively, raporton DailyMail.
“It Ends With Us”, një dramë e dhunës në familje e bazuar në librin bestseller të Colleen Hoover, u shfaq në kinema verën e kaluar.
Në atë kohë, u përhapën thashethemet për një grindje mes Lively dhe Baldonit, të cilët refuzuan të shfaqeshin së bashku për të promovuar filmin.
Blake gjithashtu pësoi një breshëri publiciteti të keq pas publikimit të filmit,e quajtur një “vajzë e keqe” pasi një gazetare pretendoi se një intervistë e pakëndshme me aktoren e bëri atë të linte punën e saj.
Avokati i Baldonit, Bryan Freedman, ka kritikuar padinë e re të saj, duke thënë për The Post: “Është e turpshme që zonja Lively dhe përfaqësuesit e saj të bëjnë akuza kaq serioze dhe kategorikisht të rreme kundër z. Baldoni, Wayfarer Studios dhe përfaqësuesve. Një tjetër përpjekje e dëshpëruar për të ‘rregulluar’ reputacionin e saj negativ.” Ai shtoi se ajo ishte një “makth” në xhirime.
