Një festë e çmendur me fishekzjarre në një jaht në brigjet greke ka shkaktuar zjarr në ishullin Hydra. Fishekzjarrët e ndezura sollën djegien e pyllit të vetëm me pisha në ishullin turistik i cili shtrihet në jug të Athinës. Zjarrfikësit u detyruan të ndërhynin në rrugë detarë dhe ajrore pasi në këtë zonë nuk ka rrugë për në plazh. Shkaku i zjarrit ka shkaktuar zemërim në Greqi, shtet i cili po lufton me disa vatra zjarresh.
"Ne jemi të indinjuar që disa njerëz hedhin fishekzjarre në mënyrë kaq të papërgjegjshme në një pyll me pisha," tha kryetari i bashkisë së Hidrës, Giorgos Koukoudakis .
Greqia ka qenë në gatishmëri të lartë për zjarret që nga e marta. Autoritetet po përgatiten për një verë të vështirë.
