Flash

SHBA-ja pritet të rinisë dërgimin e ndihmave humanitare në portin e Gazas

Lapsi.al 20 June 2024
SHBA-ja pritet të rinisë dërgimin e ndihmave humanitare në

Porti i përkohshëm i ushtrisë amerikane në Gazë pritet të rinisë operimin më 20 qershor për të mundësuar dërgimin e ndihmave të nevojshme humanitare për palestinezët, thanë dy zyrtarë amerikanë.

Zyrtarët, të cilët folën për agjencinë Reuters në kushte anonimiteti, thanë se porti është rilidhur me bregun në Gazë të mërkurën, pasi ishte shkëputur përkohësisht të premten e kaluar për shkak të kushteve të këqija në det.

Ndihma për në Gazë nisi të dërgohej përmes portit të përkohshëm të ndërtuar nga SHBA-ja më 17 maj dhe Kombet e Bashkuara thanë se përmes këtij porti janë transportuar 137 kamionë me ndihma apo rreth 900 tonë metrikë.

Por, më pas kushtet e këqija në det dëmtuan portin dhe dëmet u riparuan. Përveç kushteve atmosferike, edhe shqetësimet e sigurisë kanë kufizuar numrin e ditëve kur ky port ka qenë funksional.

Në mars presidenti amerikan, Joe Biden, kishte njoftuar për vendosjen e këtij porti të përkohshëm, me qëllim lehtësimin e dërgesave të ndihmës humanitare, teksa Gaza, ku jetojnë 2.3 milionë banorë po përballet me uri, teksa lufta mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – po vazhdon.

Ushtria amerikane ka vlerësuar se për operimin e portit do të duhen 200 milionë dollarë në 90 ditët e para dhe në operimin e tij do të përfshihen 1.000 ushtarë. Por, është e paqartë se sa gjatë do të vazhdojë të jetë operacional porti i ushtrisë amerikane.

Më herët gjatë javës, zëdhënësi i Forcave Ajrore amerikane, gjeneralmajor Patrick Ryder, nuk pranoi të tregonte nëse ushtria do të ndalte krejtësisht operimin e portit. Ai tha se deri më tani porti ka mundësuar dërgimin e 3.500 tonë metrikë ndihme në Gazë.

Lufta në Gazë, që nisi pasi Hamasi sulmoi jugun e Izraelit më 7 tetor, ka shkaktuar krizë humanitare. Si pasojë e luftës, në enklavën palestineze janë vrarë më shumë se 37.000 persona. Ndërkaq, në Izrael nga sulmi i Hamasit janë vrarë afër 1.200 persona dhe janë rrëmbyer afër 250 të tjerë.

Marre nga REL

Të këshilluara

Këmbimi valutor për ditën e sotme

Në tregun e këmbimit valutor shqiptar sot euro do të blihet me 99.8 lekë dhe do të shitet me 100.6 lekë, ndërsa një dollar do blihet me 92.8 lekë dhe do shitet ...

08:12

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI