Shakira është në epokën e saj të shërimit. Dy vjet pasi duroi një ndarje shumë të publikuar dhe me shumë trazira personale, artistja, po gjen rrugën e saj për t'u rikthyer tek vetja mes një ringjalljeje në karrierë.
Duke reflektuar mbi ndarjen dhe atë që ajo quhet koha më e errët e jetës së saj në një histori të re të kopertinës së Rolling Stone, fituesja e Grammy tha: “Vuajtja që ndjeva ishte ndoshta më e madhja që kisha përjetuar ndonjëherë në gjithë jetën time. Më dukej sikur dikush më kishte hapur një vrimë në kraharor,”
Sipas këngëtares, ndjesia ishte aq reale, sa edhe fizike. “Ndihesha fizikisht sikur jetoja me këtë dhe më dukej sikur njerëzit mund të më shihnin,” shtoi ajo.
Por euke dalë nga zemërimi i saj, Shakira shpjegoi se si ndjeu "lehtësim maksimal" pasi shprehu dhimbjen në himnin e saj të ndarjes në vitin 2023 "Bzrp Music Sessions, Vol. 53.” Tani, duke u kthyer në karrierë, Shakira i tha Rolling Stone: “Duke gjetur këtë liri, gjeta edhe veten”.
“Ky ka qenë një udhëtim për tek vetja ime dhe mënyra ka qenë përmes muzikës sime”, shtoi këngëtarja e “Hips Don't Lie”. “Jam në një moment ku ka ndodhur më e keqja dhe ky proces zgjoi një ndjenjë të re autonomie dhe pavarësie tek unë.”
Shakira dhe ish-i i saj, Piqué, u takuan për herë të parë në vitin 2010 në xhirimet e videoklipit "Waka Waka (This Time for Africa)" përpara se të konfirmonin publikisht lidhjen në 2011. Ata janë prindër të dy fëmijëve, Milan, 11 vjeç dhe Sasha, 9 vjeçe, ndërsa ndarja e tyre u bë publike në qershor të vitit 2022.
