Jennifer Lopez vazhdon të nxisë thashethemet se mund të ketë probleme në martesën e saj me Ben Affleck. Të enjten, këngëtarja "Jenny From the Block", 54 vjeçe, "pëlqeu" një postim në Instagram ku detajohej cilësitë e një partneri që mund të çojnë në një marrëdhënie jo të shëndetshme. Postimi shpjegoi se "nuk mund të ndërtosh një marrëdhënie të shëndetshme me dikë" të cilit "i mungon integriteti dhe siguria emocionale", "nuk respekton kohën tënde", i mungojnë "aftësitë e komunikimit" dhe nuk ka një ndjenjë të fortë për veten. Më pas tregonte se mungesa e integritetit shkakton çështje "besimi" dhe mund të çojë në një "mjedis frike, ankthi dhe paqëndrueshmërie emocionale". Ndërkohë, pa aftësitë e duhura komunikuese, marrëdhënieve u mungon “empatia dhe lidhja”.
Edhe pse postimi origjinal u shpërnda në mars, trajnerja e marrëdhënieve konfirmoi se Lopez nuk e pëlqeu atë deri këtë javë.
“Sapo u futa në IG dhe vura re se @Jlo e pëlqeu postimin tim ”, shkroi ajo sipër një screenshot të njoftimeve të saj, duke bërë shaka se mund të ishte edhe ekipi PR i këngëtares.
Sjellja e Lopez në mediat sociale erdhi vetëm disa orë pasi TMZ raportoi se ajo dhe Affleck, jetojnë të ndarë.
Page Six publikoi fotot e aktorit të "Good Will Hunting" duke udhëtuar nëpër lagjen Brentwood të Los Anxhelosit këtë javë.
Affleck dyshohet se ka qëndruar në një shtëpi – pavarësisht se zotëronte një rezidencë prej 60 milionë dollarësh me Lopez në Beverly Hills rreth 30 minuta larg.
Lopez u pa gjithashtu duke vizituar shtëpitë në Los Anxhelos pa burrin e saj në fillim të këtij muaji. Dyshja nuk janë fotografuar së bashku që nga muaji mars./Lapsi.al
