Një aksident me pasojë vdekjen raportohet të ketë ndodhur në Francë, ku kanë humbur jetën tre të rinj. Sipas raportimeve të mediave vendase ngjarja ka ndodhur në orët e para të mëngjesit të sotëm në Caumont-sur-Durance, pranë Avignon, dhe të rinjtë janë rreth moshës 19 deri në 21 vjeç.
Mësohet se këta të fundit po udhëtonin me një makinë, dhe shoferi i mjetit ka humbur kontrollin duke përfunduar në një rezervuar, dhe tre të rinjtë nuk kanë mundur të mbijetojnë. Kanë qënë familjarët ata që fillimisht kanë raportuar se kishin humbur kontaktet me fëmijët, dhe nga hetimet e policisë ka rezultuar se tre të rinjtë ishin përfshirë në aksidentin ku dhe humbën jetën. Autoritetet vijojnë hetimet për zbardhjen e plotë të ngjarjes.
