Një zjarr ka përfshirë një nga ndërtesat më të vjetra të Kopenhagen-it. Mësohet se ekuipazhet e urgjencës shkuan menjëherë në vendngjarje. Nga zjarri që përfshiu ndërtesën nuk raportohet për ndonjë të lënduar. Ndërtesa historike, e cila ndodhet ngjitur me parlamentin danez, ishte në rinovim kur shpërtheu zjarri. Ajo përdorej shpesh për darka gala, konferenca dhe ngjarje, por nuk është e hapur për publikun.
Ministri i Kulturës i Danimarkës, Jakob Engel-Schmidt, postoi në Twitter fotot nga ndërtesa në zjarr duke thënë se 400 vjet trashëgimi kulturore daneze ishte përfshirë nga flakët.
