Elsa Lila ka reaguar ndaj pjesëmarrjes në "Festivalin e Këngës".Përmes rrjetit të saj social, Instagram, artistja ka falenderuar mbështetësit e saj.
“Faleminderit të gjithëve për dashurinë, mbështetjen dhe dëshirën për të dëgjuar muzikë të mirë! Kaluam së bashku një tjetër aventurë muzikore plot e përplot me emocione dhe të papritura!
Por të papriturat, kur ke miq e dashamirës pranë, e bëjnë më të bukur udhëtimin, cilido qoftë ai! Duke ju uruar një vit plot dritë, ju përqafoj një e nga një e ju falenderoj çdo sekondë!
Ju dua Elsa!”, shkroi ajo.
Edicioni i 62 i “Festivalit të Këngës” nisi më 19 dhjetor dhe përfundoi më 22 dhjetor. Juria e këtij festivali shpalli Mal Retkocerin dhe këngën "Çmendur" si fituese të vendit të parë, ndërsa përmes votave të publikut, përfaqësuesja e Shqipërisë në Eurovision do të jetë Besa Kokëdhima me këngën “Zemrën n’dorë”.
