Gypsy Rose Blanchard është parë për herë të parë që nga lirimi nga b*rgu.
Fotografët panë Blanchard duke dalë nga dhoma e saj e hotelit të enjten në Chillicothe, Missouri, së bashku me bashkëshortin Ryan Scott Anderson. Blanchard mund të shihej duke mbajtur çanta me ushqime. Lirimi i saj vjen tetë vjet pasi ajo u deklarua fajtore për vrasjen e shkallës së dytë të, Dee Dee Blanchard. Ajo vuajti një dënim prej 10 vitesh.
Vrasja e Dee Dee në vitin 2015 erdhi pasi ajo besohej se kishte shkaktuar abuzime me vite të tëra mbi vajzën e saj për shkak të një çrregullimi të rrallë në të cilin një kujdestar ekzagjeron ose shkakton sëmundje tek një fëmijë për vëmendje dhe simpati.
Vetëm disa ditë para lirimit, Blanchard i tha People se ishte penduar që komplotoi me të dashurin e atëhershëm, Nicholas "Nick" Godejohn, vrasjen e nënës së saj. Nick, i cili vrau Dee Dee në shtëpinë e saj ndërsa Blanchard priste në banjë, mori një dënim të përjetshëm për krimin.
"Askush nuk do të më dëgjojë kurrë të them se jam e lumtur që ajo ka vdeekur ose jam krenare për atë që kam bërë. Më vjen keq çdo ditë," rrëfeu Gypsi. "Ajo nuk e meritonte këtë. Ajo ishte një grua e sëmurë dhe për fat të keq unë nuk isha aq e arsimuar për ta parë këtë. Ajo meritonte të ishte këtu ku jam unë, ulur në burg."
Historia e tmerrshme e Blanchard ishte subjekt i një serie Hulu të vitit 2019, The Act, dhe një dokumentari të HBO-së të vitit 2017, Mommy Dead and Dearest. Historia e saj e jetës do të shfaqet sërish në serialin e ardhshëm dokumentar Lifetime, The Prison Confessions of Gypsy Rose Blanchard, premierë më 5 janar./Lapsi.al
