Një 30-vjeçar shqiptar është arrestuar në Itali, pasi ndaj të cilit kishte një urdhër arresti ndërkombëtar nga autoritetet belge për trafik ndërkombëtar droge. Ai kishte rreth një vit e gjysmë që qendronte në Falconara, si mysafir i dikujt në një apartament.
“Ai punonte si mekanik. Askush nuk mund të dyshonte për këtë 30 vjeçar shqiptar. Ai ishte kaq i dashur me klientët dhe miqtë. Megjithatë ai kërkohej nga forcat e policisë në gjysmën e Evropës”, shkruajnë mediat italiane.
Ai u arrestua nga karabinierët e njësisë hetimore të Ankonës, të cilët ekzekutuan urdhrin autoriteteve belge. Mësohet se shqiptari jetonte në Belgjikë, para se të mbërrinte në Itali, dhe sipas akuzës atje ka kryer edhe krimin e trafikut të drogës.
