E kaluara e Elon Musk me Amber Heard është tani një libër i hapur.
CEO i Tesla dhe themeluesi i SpaceX reflektoi mbi romancën e tij njëvjeçare me aktoren e Aquaman në biografinë e tij të re me të njëjtin emër nga Walter Isaacson. Sa i përket mënyrës sesi Elon e përmblodhi romancën e tyre, ai tha: “Ishte brutale”.
Ndonëse sipërmarrësi i teknologjisë u takua për herë të parë me Amberin pasi e pa në filmin Machete Kills të vitit 2013, libri thonte se ata u lidhën vetëm katër vjet më vonë, pasi ajo paraqiti kërkesën për divorc nga Johnny Depp.
Walter shkroi se takimet e tyre të hershme kryesisht silleshin rreth punës – me Amberin që fluturonte në fabrikën Tesla në Kaliforni për ta surprizuar në ditëlindjen e tij dhe Elon që e vizitoi atë në setin australian të Aquaman.
Megjithatë, disa anëtarë të rrethit të brendshëm të Elon nuk ishin shumë dakod me marrëdhënien. Vëllai i manjatit miliarder, Kimbal Musk, e përshkroi Amberin si "toksike" dhe "një makth" në biografi, duke shtuar se Elon priret të bie në dashuri me njerëzit që janë "të bukur, pa dyshim, por ata kanë një anë shumë të errët".
Përgjigja e tij? “Sepse unë jam thjesht një budalla për dashurinë”, i tha Elon biografit të tij. “Shpesh jam budalla, por sidomos për dashurinë”.
Dhe pasi ai dhe Amber u ndanë përgjithmonë në 2017-ën, Musk kujtoi se kishte duruar "18 muaj çmenduri të pandërprerë" që ishte "jashtëzakonisht e dhimbshme".
Megjithatë, ish-çifti janë në marrëdhënie të mira këto ditë. “Unë e dua shumë atë”, tha Amber në biografi./Lapsi.al
