Gjendja e Fjolla Morinës duket më e mirë pasi mori ndihmën e duhur mjekësore. Muajin e kaluar ajo u shtrua në klinikë e trajtimi përfundoi ditë më parë. Këngëtarja është rikthyer sërish në shtëpi pranë fëmijëve të saj teksa është rishfaqur edhe në rrjetet sociale.
Ajo publikoi edhe një video në Instagram ku bënte me dije se nuk ka qenë mirë nga ana psikologjike, por që me ndihmën e mjekëve tani është më mirë.
“Hello, iu përshdesim krejtve! Faleminderit për fjalët e bukura që më keni shkruar. Unë jam mirë, në mënyrën psikologjike nuk kam qenë dhe shumë mirë, shpresoj të bëhem më mirë me ndihmën e mjekëve tonë në Prishtinë, Ju përshëndes dhe një herë. Faleminderit për fjalët e bukura”, tha këngëtarja në një video pas daljes nga spitali.
E tani ajo na ka prezantuar me partnerin e saj.
Këngëtarja ka publikuar në mediat sociale një selfi në krahët e tij ku shihen në një ambient romantik e të zbukuruar me tullumbaca.
Partneri i saj i ri duket të jetë i panjohur në botën e showbizit teksa krah fotos Fjolla shkroi vetëm: "Zemra ime".
Deri tani nuk dihet ende asgjë mbi romancën e tyre.
