Futboll i madh në mbrëmjen e të mërkurës ku nuk mungojnë rezultatet befasuese. Chelsea nuk fiton në debutimin e Potter dhe është në telashe. Real e City nuk diskutojnë rivalët e tyre, duke dominuar grupet respektive. Sheh eleminimin pranë Juventus, me zero pikë, i mundur 1-2 në shtëpi nga Benfika.
GRUPI A
Napoli mposhti Rangers me rezultatin 3-0 në transfertën e Glasgoë, e vlefshme për ditën e dytë të Champions. Blutë e Spallettit, me pikë të plota pas fitores ndaj Liverpool, zhbllokuan ndeshjen me penallti. Politano nuk gaboi në minutën e 68-të, pas dy gabimeve nga pika e bardhë e Zielinskit (pritje dhe topi i rikthyer). Një provë force për Napolin disa herë pranë golit të dytë, që në pjesën e parë, duke nisur nga shtylla e Zielinskit. Skuadra e Spalletit pastaj ishte e aftë të mbyllte ndeshjen në fund – në epërsi numerike – me golat e Raspadorit dhe Ndombele.
GRUPI E
Buzëqesh Milan, i vetëm në grupin E pas barazimit 1-1 mes Chelsea dhe Salzburg. Në debutimin e Potterit në pankinën e Chelsea, Blues luajtën një pjesë të parë të shkëlqyer, por shënuan në fillimin e të dytës. I zakonshmi Sterling kaloi në avantazh londinezët. Por kur vendasit dukej se e kishin lojën në kontroll, Okafor (75') barazoi në mënyrë të habitshme rezultatin.
GRUPI F
Fitorja e dytë në dy ndeshje për Real Madrid që kryeson grupin. Skuadra e Ancelottit vuajti në shtëpi ndaj Leipzig, duke rrezikuar disa herë disavantazhin. Por në fund shënoi në minutën e 79-të me Valverde, një blic që shpëtoi kampionët në fuqi të Evropës. Goli i Asensios në shtesë i lejoi Ancelottit të festojë fitoren 2-0 dhe të 100-ën në karrierë në Champions League. Në vendin e dytë është Shakhtar pas barazimit 1-1 me Celtic Glasgow.
GRUPI G
Është Haaland, ish-i i madh i ndeshjes, që shpëtoi 2-1 Manchester City në shtëpi ndaj Borussia Dortmund. Verdhezinjtë kaluan në avantazh në minutën e 56-të me Bellingham. Skuadra e Guardiolës luajti keq dhe vetëm një gol i papritur i Stones solli barazimin. Një goditje nga jashtë zonës që mposhti një Meyer fajtor në minutën e 80-të. City u zgjua dhe kaluan vetëm katër minuta kur Haaland përfundoi përmbysjen. Norvegjezi shfrytëzoi një asist të shkëlqyer të Cancelos. Anglezët me pikë të plota dhe Borussia e dyta me tre pikë. Kanë nga një pikë në dy ndeshje Copenhagen e Sevilla, pas 0-0 në Danimarkë.
GRUPI H
Juventusi rrëzohet 2-1 në Stadium kundër Benfica dhe mbetet i fundit në Grupin H të Champions League. Bardhezinjtë zhbllokuan ndeshjen pas vetëm 4' me një goditje të shkëlqyer me kokë të Milik. Por më pas skuadra e Allegrit u zhduk gradualisht nga fusha dhe u barazuan nga penalltia e Joao Marios (44'). Në pjesën e dytë, përmbysjen e fikson Neres (55) dhe Perin shpëton disa herë portën. Tashmë kualifikimi për në 1/8 është shumë i komplikuar për djemtë e Allegrit.
PSG vuan më shumë se sa pritej para se të mposhtte Maccabi Haifa 3-1. Izraelitët ishin ata që kaluan në epërsi me Chery në minutën e 24-të. Pastaj Messi, Mbappè dhe Neymar shpërthyen duke shënuar nga një gol për të vendosur parisienët në vendin e parë, së bashku me Benfikën. Juventus në telashe, i fundit me zero pikë, ashtu si Maccabi.
Champions League
Group A
Rangers 0-3 Napoli
Group E
AC Milan 3-1 Dinamo Zagreb
Chelsea 1-1 FC Salzburg
Group F
Shakhtar Donetsk 1-1 Celtic
Real Madrid 2-0 RB Leipzig
Group G
FC Copenhagen 0-0 Sevilla
Manchester City 2-1 Borussia Dortmund
Group H
Juventus 1-2 Benfica
Maccabi Haifa 1-3 Paris Saint-Germain
