Flash

CAS vendosi për ndeshjen më të shkurtër të historisë: Brazili e Argjentina nuk do të luajnë, por çfarë gjobash...

Lapsi.al 16 August 2022
CAS vendosi për ndeshjen më të shkurtër të

Pas kaq shumë polemikash, më në fund një vendim përfundimtar: ndeshja e pezulluar në 5 shtatorin e largët 2021 mes Brazilit dhe Argjentinës nuk do të luhet më. Në këtë pikë dy skuadrat janë kualifikuar në Kupën e Botës dhe grupi kualifikues botëror i Amerikës së Jugut do të arkivohet me një ndeshje më pak.

Federata Argjentinase e Futbollit ka lëshuar një deklaratë zyrtare duke informuar se, në bazë të marrëveshjes me Konfederatën braziliane, FIFA ka rënë dakord të tërhiqet nga urdhri për të luajtur ndeshjen dhe, në këtë moment, të dyja skuadrat do të mund të caktojnë miqësoret në përgatitje për Kupën e Botës në Katar 2022.

Ajo Brazil-Argjentinë e 5 shtatorit të kaluar, e vlefshme për kualifikueset për Botërorin e ardhshëm në Katar, u ndërpre menjëherë pas fillimit pasi autoritetet shëndetësore braziliane hynë në fushë, në Sao Paulo, për shkeljen e rregullave anti- Covid nga katër futbollistë argjentinas të ardhur nga Anglia. Sipas rregulloreve në fuqi në shtetin e Amerikës së Jugut, katër argjentinasit në fjalë – Emiliano Buendía, Emiliano Martínez, Giovani Lo Celso dhe Cristian Romero – kishin shkelur protokollet anti-Covid duke mos respektuar karantinën 14-ditore të parashikuar.

Çështja përfundoi përpara Tribunalit të Arbitrazhit Sportiv (CAS). AFA argjentinase dhe CBF braziliane kanë pranuar përgjegjësitë e tyre përkatëse për ngjarjet që çuan në pezullimin e sfidës. Federata Argjentinase e Futbollit u dënua me një gjobë totale prej 150,000 frangash zvicerane (155,000 euro), gjysma e së cilës u pezullua për një periudhë prove dyvjeçare. E njëjta gjë u vendos edhe për brazilianët.

Gjysma e gjobës që do të paguhet (25% e gjobës totale) do t'i dhurohet drejtpërdrejt nga Federata Argjentinase Organizatës Botërore të Shëndetësisë (OBSH), në mbështetje të përpjekjeve të saj të vazhdueshme për të luftuar COVID-19.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI