Giacomo Vrioni ka një mundësi për të mos u humbur, me thirrjen e teknikut Edoardo Reja për sfidat e Shqipërisë në Nations League dhe miqësoren ndaj Estonisë e në mungesë të Manajt e Brojës. Sulmuesi në pronësi të Juventus e që ka bërë një sezon fantastic me Tirol është bashkuar ditën e djeshme me ekipin Kombëtar, teksa do të nisë menjëherë përgatitjet me grupin kuqezi. “Unë kam arritur dje, po atmosfera është shumë e mirë dhe jemi të përqendruar në këto ndeshje. Në Kombëtare ka lojtarë shumë të fortë, janë më në formë. Ne do të mendojmë vetëm të bëjmë më të mirën në stërvitje dhe siç thashë më parë, zgjedhja i përket trajnerit. Nëse trajneri më jep mundësinë, është normale, sepse jam sulmues dhe kërkojë golat”.
Me objektiva të qartë për vendin e parë, sulmuesi shqiptar vlerëson maksimalisht sfidat, duke e ditur se pa Rusinë gjërat nuk mund të ishin më të favorshme për një vend të parë të jashtëzakonshëm: “E dimë që janë dy ndeshje shumë të rëndësishme, por e dimë edhe nivelin tonë. Si në Islandë, ashtu edhe në Shqipëri, do të luajmë për të marrë 3 pikë, për të arritur vendin e pare. Kur luan në Nations League nuk ka ekip më të vështirë, ekip më të fortë, janë të gjithë në nivelin tonë dhe ne do punojmë që të marrim 3 pikë në Islandë dhe në Shqipëri me Izraelin”.
Titullar ose jo në përballjet ndaj Islandës dhe Izraelit, konkurenca e lartë në kombëtare si dhe pika e fortë e skuadrës kuqezi, Giacomo Vrioni i jep përgjigje të gjitha pyetjeve. “Atë e di trajneri, unë di vetëm që do të vazhdoj të punoj edhe pse kalova një sezon shumë të rëndësishëm, sërisht është zgjedhje e trajnerit”, përfundoi Vrioni.
https://youtu.be/9iWmPoTDQfA
