Julian Alvarez hyn në historinë e River Plate dhe të gjithë futbollit të Amerikës së Jugut. I huazuar te Millonarios që nga janari, pasi nënshkroi me Manchester City, me të cilët do të bashkohet sezonin e ardhshëm, ai shënoi gjashtë gola ndaj Allianz Lima, në Copa Libertadores, që përfundoi 8-1. Një tregolësh për pjesë. Asnjë lojtar nuk kishte shënuar kaq shumë gola për River Plate në të njëjtën ndeshje dhe në kompeticionin e Amerikës së Jugut ka vetëm një precedent, ai i Juan Sanchez, i cili shënoi gjashtë herë kundër Deportivo Italia me fanellën e Blooming.
Në verë sulmuesi do të mbërrijë nën urdhërat e Pep Guardiolës, i cili pas një periudhe të gjatë të karakterizuar nga falso nueve, gjen në organikë, një qendërsulmues si Haaland dhe një fenomen të ri si argjentinasi 22 vjeçar. Trajneri i City do të përpiqet të përfitojë nga fleksibiliteti i Alvarez, i aftë për të luajtur në çdo rol në repartin e avancuar. Në skuadrat e të rinjve argjentinase ai ka zënë shpesh rolin e krahut të djathtë ofensiv. Karakteristika të tjera të tij janë shpejtësia dhe prirja për të sakrifikuar veten për ekipin. Rezistent dhe i aftë në prerje drejt qendrës duke ardhur nga krahu, ai ka karakteristikat e duhura për t'u vlerësuar nga Pep, përveçse ka treguar se di ta shohë portën si pak të tjerë, gjë që e dëshmojnë edhe gjashtë golat e shënuar në Libertadores.
https://www.youtube.com/watch?v=KUwHRyG13TM
