Partizani është skuadra vizituese në derbin e kryeqytetit, gjë që e penalizon skuadrën e Ilir Dajës në numrat e mbështetësve që do të ketë në Arenën kombëtare për përplasjen me Tiranën. Megjithëse më të paktë në këtë rast, mbështetja e tifozëve të Partizanit nuk do të mungojë, e bashkë me ta edhe koregrafia e spikatur. Dy orë përpara ndeshjes të kuqtë i janë drejtuar stadiumit përmes rrugës së tyre të zakonshme: grumbullimi te Zogu i Zi e kalimi në unazë për të mbërritur më pas në bulevard. "Partizani, je kampioni" janë thirrjet që dëgjohen nga mbështetësit e kuq, që kanë ndaluar edhe qarkullimin e mjeteve në marshimin e tyre.
[video width="480" height="848" mp4="https://cdnimpuls.com/lapsi.al/wp-content/uploads/2021/10/WhatsApp-Video-2021-10-25-at-5.49.45-PM.mp4"][/video]
[video width="848" height="480" mp4="https://cdnimpuls.com/lapsi.al/wp-content/uploads/2021/10/WhatsApp-Video-2021-10-25-at-5.49.45-PM-1.mp4"][/video]
