Talebanët i presin kokën volejbollistes dhe postojnë fotot: "Nuk mbante shami kur luante"

"Talebanët i prenë kokën njërës prej lojtareve të mia". Denoncimi është bërë fillimisht nga trajnerja, e tani fatkeqësisht është konfirmuar: në fillim të tetorit Mahjubin Hakimit i është prerë koka nga talebanët, të cilët pas vrasjes së tmerrshme postuan edhe disa foto të kokës së prerë të volejbollistes së re në rrjetet sociale. Trajnerja Suraya Afzali (pseudonim për të shmangur pasojat) ka folur për Persian Independent, gazetën kryesore në Lindjen e Mesme, duke shtuar se "çdo lojtare tani duhet të jetojë me frikë. Të gjitha të detyruara të ikin ose të fshihen. Vetëm dy kanë arritur të arratisen jashtë vendit dhe përpjekjet për të ndihmuar nga vende dhe organizata ndërkombëtare nuk kanë qenë të suksesshme”. Talebanët e konsiderojnë të papërshtatshme që gratë të luajnë sport, sepse duke vepruar kështu "ata mund të gjenden në situata kur fytyrat dhe trupat e tyre nuk janë të mbuluara", tha zëdhënësi i komisionit të qeverisë së përkohshme Ahmadullah Ëasiq. Në gusht një tjetër volejbolliste u qëllua për vdekje, siç u tha nga një lojtare tjetër, Zahra Fayazi, pas mbërritjes së saj në Angli (ajo është një nga dy sportistet që arriti të arratisej jashtë vendit). Tani radha e fatkeqes Mahjubin Hakimi. Lajmi për vrasjen e saj, sipas asaj që mësohet, ka dalë vetëm tani sepse talebanët kanë ndaluar edhe familjen e viktimës, duke i detyruar ata të heshtin. Por kur fotot e kokës së Hakimit u publikuan në mediat sociale, trajnerja vendosi të ekspozohej: "Lojtarët madje dogjën uniformat e tyre për të shpëtuar jetën e tyre dhe të familjeve të tyre".

Guardatela come se fosse vostra figlia: Mahjabin è stata decapitata, perché Hazara e perché giocava a pallavolo senza hijab. Questo è oggi l’#Afghanistan.
Abbiamo persone lì che sono cadaveri ambulanti. Fermiamo questo genocidio con i #corridoiumanitari o ne saremo responsabili. pic.twitter.com/IIqUnSkpHe

— Mauro Berruto (@mauroberruto) October 20, 2021

FAMILJA— Megjithatë, nga Afganistani ka ardhur mohimi i familjes. Sipas gazetës Amaj Neës, prindërit e vajzës thanë se Mahjubin vdiq në rrethana misterioze një javë para rënies së Kabulit, e cila ndodhi më 15 gusht. Mbetet për t’u parë nëse të afërmit u detyruan të shfajësojnë talebanët nën kërcënime apo nëse i njëjti shtyp (jo plotësisht i lirë nga ardhja në pushtet e talebanëve) publikoi një lajm të rremë, duke iu nënshtruar presionit të regjimit.