Nuk ka paqe për Kingsley Coman. Pas tre dëmtimeve në të njëjtin kavilje në hapësirën e një viti që e kishin bërë atë të mendonte për t’i thënë lamtumirë futbollit, sulmuesi francez i Bayern Mynih, i cili ka luajtur vetëm pak minuta deri më tani në këtë sezon, do të jetë i detyruar të ndalojë pësëri. Lajmin e ka zyrtarizuar trajneri i bavarezëve, Julian Nagelsmann, pas triumfit me 7 gola ndaj Bochum: "Coman u operua dje - tha tekniku në konferencë për shtyp - Ai kishte një rrahje të vogël, të lehtë të zemrës më shumë, një shqetësim të lehtë të ritmit".
"Ndonjëherë i mungonte për pak caste fryma - shpjegoi tekniku - Kjo është arsyeja pse ne zgjodhëm këtë procedurë, duke i bërë atij një elektrokardiogram afatgjatë. Të martën ai do të bëjë përsëri një cardio-training dhe nuk do të qëndrojë i ndaluar për më shumë se një javë e gjysmë apo dy javë”.
Duke përjashtuar komplikimet, francezi duhet të jetë përsëri në dispozicion në tetor, por sigurisht sezoni i tij nuk filloi ashtu siç shpresonte: vetëm tre paraqitje (rreth dyzet minuta në Bundesliga, një pjesëz loje në Superkupën e Gjermanisë kundër Borussia Dortmund dhe pak caste në ndeshjen kundër Barcelonës në Ligën e Kampionëve), e fundit prej të cilave ishte me të vërtetë shumë pak sepse, siç shpjegohet nga Nagelsmann, ai kishte një problem në stomak pak para se të hynte në fushë: "Ne duhej të prisnim që ai të shkonte në tualet para se ta linim të hynte në fushë".
