Pas një performance për tu harruar në Varshavë kundër Polonisë, Marash Kumbulla nuk e fshehu kënaqësinë për fitoren e arritur mbrëmjen e djeshme në “Elbasan Arena” ndaj Hungarisë. “Jam shumë i lumtur që mbrëmë fituam dhe gjithë skuadra luajti mirë. Unë besoj se përveç dy rasteve që pati kundërshtari mbrëmë paraqitja ishte në favorin tonë - tha mbrojtësi i Romës -. Normale rezultati në Poloni tregon që nuk kemi bërë paraqitje të mirë ndaj Polonisë, por jam i lumtur për ndeshjen e djeshme. Shokët e skuadrës më ndihmojnë shumë këtu".
I mësuar të luajë në krah Gjimshitit e Ismajlit, mbrojtësi kuqezi është i hapur për këdo që tekniku do ti vendosë në krahë, për ndeshjen me San Marinon: "Nuk kam problem të luaj me këdo që zgjedh trajneri. Asnjë lojtar nuk është titullar i padiskutueshëm. E rëndësishme është të jesh pjesë e ekipit kombëtar. Kush luan do të japë 100 përqindëshin" - u shpreh Kumbulla, që thotë hapur objektivin për të marrë vendin e dytë të Grupit I -. Dëshira jonë është të bëjmë më mirë, të shkojmë në play-off. Është e vështirë se janë ekipe të forta. Do të japim maksimumin në fushë, ishalla po shkojmë në play-off".
https://youtu.be/uDoXz0tYVv4
