Ronald Koeman mbetet në krye të Barcelonës edhe sezonin e ardhshëm. Kjo është raportuar nga transmetuesi spanjoll "SER Catalunya", gjithnjë pranë cështjeve blaugrana. Njoftimi zyrtar i klubit megjithatë pritet të premten, por është e sigurtë që hollandezi i ka bindur drejtuesit katalanas ti japin akoma besim. Joan Laporta, presidenti i Barcelonës, ka vendosur të konfirmojë ish-teknikun e kombëtares së Hollandës deri në skadimin e kontratës, në qershor 2022, por do të kërkojë si kusht që Koeman të aplikojë një 4-3-3 si modul loje, duke kërkuar gjithashtu një futboll më sulmues se ai i këtij viti.
Me konfirmimin e hollandezit duhet parë tashmë se si do të refektojë zgjedhja tek Messi, që është ende i pavendosur nëse do të qendrojë në Katalonjë, apo do të shohë alternativat që përfaqësohen më shumë nga PSG se nga Manchester City.
