Zyrtare: Carlo Ancelotti kthehet në krye të Real Madrid

Florentino Perez theu të gjitha barrierat dhe vendosi të lëvizë gjithçka mbi Carlo Ancelottin, trajnerin që solli Champions e dhjetë në palmaresin e Real Madrid në 2014. Presidenti merengues dëshironte të përcaktonte shpejt pasardhësin e Zinedine Zidane dhe kështu synoi drejt e në kthimin e trajnerit nga Reggiolo, i cili mundi konkurrencën e Pochettinos, Raul dhe Contes: pasi u lirua nga marrëveshja me Everton, Ancelotti nënshkroi kështu një kontratë tre-vjeçare me Blancos. Perez i preferon shumë njohjet e vjetra, duke i dhënë tashmë një aventurë të dytë në Spanjë Ancelottit, pas asaj për dy sezone nga 2013 në 2015 në krye të merengues. Carlo Magno, siç u emërua nga shtypi iberik, u ngjit shpejt në hierarki dhe nga 'rreshti i fundit shpejt u zhvendos në vijën e parë, pavarësisht një kontrate me Everton deri në 2024.

? The coach who lead us to the Décima!#WelcomeBackAncelotti | @MrAncelotti pic.twitter.com/87SPGovjXA

— Real Madrid C.F. ???? (@realmadriden) June 1, 2021

Numri 1 i Realit, ndoshta i djegur ende nga përvoja e Solarit, nuk ka qenë kurrë i bindur për zgjedhjen e Raul, që ende konsiderohet i papërvojë për të stërvitur në nivele të caktuara. Opsioni Conte shpejt u shua për shkak të kërkesave të larta, ekonomike dhe teknike, të ish-trajnerit të Interit, ndërsa për Pochettinon nuk kishte ndërmend të shkonte në përplasje me PSG-në. Për të gjitha këto arsye "lindi" mbretërimi i Ancelotti II. Me Ancelottin kthehet te Real edhe Antonio Pintus, përgatitësi atletik, i lidhur profesionalisht me Conte por që tani ishte i lirë duke pasur parasysh fundin e marrëdhënies mes trajnerit dhe Interit. Pintus kishte qenë në Madrid nga korriku 2016 deri në qershor 2019, para se të ndiqte ish-trajnerin në aventurën e tij në Milano.