Të shtëna me armë zjarri janë dëgjuar në Tiranë, teksa nga informacionet e para raportohet për një person të plagosur. Mësohet se ka mbetur i plagosur një 20-vjeçar me inicialet R.G.
Policia ka shkuar në vendin e ngjarjes, teksa ka nisur hetimet dhe 19-vjeçari është transportuar në spital. Sipas dëshmive të para, i riu është qëlluar nga dy persona.
"Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve. Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve", njofton policia.
