Një 51-vjeçar, banues në fshatin Beduqas është ndaluar nga policia e Këlcyrës, pasi ka goditur me grushte në fytyrë, për motive të dobëta një bashkëfshatarin e tij. Policia njofton se 65 vjeçari që u godit me grushte është rrëzuar dhe ka marrë dëmtime të rënda dhe tashmë ndodhet në kujdesin e mjekëve, në Spitalin e Traumës në Tiranë.
“Ky shtetas, mëngjesin e datës 26.05.2021, ka goditur me grushte në fytyrë, për motive të dobëta, shtetasin Y. L., 65 vjeç, banues në fshatin Beduqas, i cili është rrëzuar dhe ka marrë dëmtime të rënda. 65-vjeçari ndodhet në kujdesin e mjekëve, në Spitalin e Traumës në Tiranë”, njofton policia.
Materialet i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme, për veprën penale “Plagosja e rëndë me dashje”.
