Në prag të ndeshjes së 1/8-ave të finaleve të Botërorit, ku Anglia e tij do të përballet me vendin organizator, Meksikën, në stadiumin Azteca, trajneri Thomas Tuchel u ka bërë një apel të veçantë prindërve anglezë me fëmijë ende në moshë shkollore (në Mbretërinë e Bashkuar mësimi vazhdon deri në fund të muajit korrik). Për shkak të diferencës së orarit, ndeshja është planifikuar të zhvillohet në orën 01:00 të natës me orën angleze, mes të dielës dhe të hënës.
Një orar shumë i vështirë përpara një dite shkolle dhe pikërisht për këtë arsye Tuchel bëri këtë kërkesë gjysmë serioze: “Shkruani një justifikim dhe lërini t’i shohin ndeshjen. Shkollë do të kenë edhe shumë për të bërë, por Botërori zhvillohet vetëm një herë në katër vjet. Lërini të shohin Anglinë, do të jetë një ndeshje shumë e rëndësishme dhe kemi nevojë për mbështetjen e të gjithëve, veçanërisht të fëmijëve.”
